طريقة عمل المكرونة بالبشاميل الخطيرة ‏🙈😍

طريقة عمل المكرونة بالبشاميل الخطيرة 🙈😍

المقادير💛:

كيسين مكرونة قلم 

نص كيلو لحمة مفرومة فرمة واحدة خفيفة او فراخ عادى

بصلتين كبار مفرومين 

فلفلاية مقطعة مكعبات صغيرة

حبة طماطم متوسطة متقطعة مكعبات صغيرة

خمس معالق كبار دقيق

كوبين و نص لبن سايل

كوب كريمة سايلة

مكعب مرقة دجاج 

فلفل اسود 

ملح 

الطريقة💛 :

اول حاجة هاتعلقى المكرونة تسسلق و تقفلى  عليها و تصفيها قبل ما تستوى بحبة مش عايزينها مستوية علشان ماتعجنش معاكى بعدين 

تانى حاجة تعصجى اللحمة :

تحطى البصل مع زيت على النار و تقلبى لما يبتدى يبقى لونه دهبى خفيف ضيفى اللحمة و الملح و التوابل و قلبى لما تستوى كده هاتضيفى الفلفل و تقلبى و انتى موطية النار عشان ماتتحرقش منك و بعجين ضيفى الطماطم و قلبى ٣ دقايق و اقفلى عنها 

تالت حاجة البشاميل :

هتتضيفى ٣ ملاعق كبار زبدة و عليهم خمس ملاعق كبار دقيق و و قلبى كويس اوى لما الدقيق يبتدى ياخد لون دهبى خفيف ضيفى الحليب و انتى بتقلبى بالمضرب اليدوى او المعلقة كويس علشان مايكونش تكتلات بعدين ضيفى الكريمة و ممكن تستغنى عنها و تبدليها بحليب او ميا و مكعب المرقة و الملح و الفلفل الاسود مع استمرار التقليب او ما تبتدى تسمك معاكى على طول اقفلى النار علشان مش تتخن زيادة قوامها بيبقى مش سايل اوى و لا تخين وسط يعنى بعدين هاتى الصينية اللى هاتسوى فيها المكرونة و ادهنيها بمعلقة من البشاميل اللى حضرتيه و ضيفى تلات ملاعق كبار منه على المكرونة و قلبيها فى المكرونة بعدين حطى اول طبقة من المكرونة فى الصينية و افرديها كويس بعدين افردى طبقة اللحمة المتعصجة و ضيفى آخر طبقة من المكرونة و ادهنيها من فوق ب ٣-٤ معلاق كبار بشاميل و ممكن تضيفى معلقة كبيرة قشطة ادهنيها من فوق عشان تاخد الوش الجميل بتاعها او جبنة موتزريلا بس و دخليها الفرن على درجة حرارة عالية اول تاخد لون من تحت اطفيه و ولعى من فوق تاخد اللون اللى انتى عايزاه و بالهنا و الشفا 💕😍

تابعنى على انستجرام ❤️

تابعنى على تويتر  ❤️

تابعنى على الفيس بوك ❤️