طريقة عمل بلح الشام زى بتاع المحلات 💙بلح الشام المرقمش بكل تكاته
بلح الشام المرقمش بكل تكاته
المقادير 💙
كوب دقيق
كوب مياه
ربع كوب زيت
٣ بيضات
معلقتين كبار نشا
معلقة كبيرة خل
معلقة صغيرة فانيليا
رشة ملح
الشربات
كوبين سكر
كوب و نصف مياه
عصير نص ليمونة
معلقتين عسل جلكوز او عسل ابيض
الطريقة💙
اول حاجة حضرى الشربات علشان لازم تبرد هاتضيفى كوبين السكر عليهم كوب المياه على النار او ما يغلى و السكر يدوب ضيفى عصير نص لمونة و رشة فانيليا و معلقتين العسل علشان مايسكرش معاكى و سيبيهم يغلو خمس دقايق بعدين سيبيه يبر على ما تحضرى بلح الشام
فى حلة على النار نضيف كوب الميا و ربع كوب الزيت و اول ما تغلى على طول نضيف الدقيق مع النشا و رشة ملح زقلبيهم كويس لما تتماسك معاكى العجينة و تتكور نسيبها تبرد علشان نضيف البيض بعد ما تهدى نضيف البيض واحدة واحدة و نضرب بالمصرب الكهربا و هكذا لما نضيف ٣ بيضات و نضيف معلقة الخل و رشة الفانيليا او فانيليا سايلة و نضربهم كويس
، نصبهم فى كيس حلوانى او القمع بعدين فى طاسة فيها زيت غزير على النار هادية نقطع فيه بالواحدة و سيبها اول ما تبتجى ينفع انك تحركيها فى الزيت وقلبى فيهم لما ياخد اللون الذهبى و شيليه من الزيت نزليه فى الشربات البارد قلبيهم وسيبيهم نص دقيقة بعدين حطيهم فى مصفى علشان ينزل الشربات الزيادة او الزيت و بالهنا والشفا 😘😍
تابعنى على انستجرام ❤️
تابعنى على تويتر ❤️
تابعنى على الفيس بوك ❤️
No comments