طريقة عمل الكوردن بلوالكوردن بلو بكل تكاته، الكوردن بلو بصوفة ناجحة ١٠٠٪

طريقة عمل الكوردن بلو

الكوردن بلو بكل تكاته، الكوردن بلو بصوفة ناجحة ١٠٠٪

المقادير 💜:

كيلو من شرايح صدور الدجاج

معلقة كبيرة بصل بدور

معلقة كبيرة توم بودر

نص معلقة بهارات فراخ

نص معلقة صغيرة بابريكا

ملح وفلفل اسود

للحشو

شرايح روز بيف او رومى مدخن

شرايح جبنة شيدر

للتغطية

٢ بيضة

معلقتين لبن

ملح و فلفل

كوب بقسماط مطحون

نص كوب نشا

رشة ملح و فلفل

الطريقة 💜 :

نخلى صدور الفراخ من اى سوايل و نشفها كويس بعدين نضيفلها كل البهارات الجافة و نخلطها كويس اوى و نتركها ساعة بالتلاجة علشان تاخد نكهتها من التوابل بعدين فى كيس طبقتين نحط شريحة من الفراخ المتبلة فى الكيس و ندق عليها من بره الكيس نساويها يعنى نسطحها كويس علشان تعرفى تلفيها بعجين بنجيب شريحة البيف نحط فوقيها شريحتين جبنة شيدر و نلف البيف مع الجبنة زى الصابع بعدين نلف فوقيهم شريحة الفراخ اللى فردتيها و نبقى قافلين الجوانب كويس هاتلاقيها بتتلف بسهولة و مش بتفلت معاكى و دى فايدة ان الفراخ حاطينلها توابل جافة علشان كده متماسكة ببعضها بعدين بنخلص الكمية بنفس الطريقة... التغطية بتاعة الكوردن بلو هاتكون طبق فيه بيضتين مع معلقتين لبن و ملح و فلفل و طبق تانى فيه بقسماط و نشا و ملح وفلفل و النشا فايدته بيأخر الإحمرار بتاع الكوردن بلو من برة لما تنزل فى الزيت و ده بيدى وقت للفراخ انها تستوى و كمان بيجى قرمشة و نكهه جميلة جدا.. هاتجيبى صابع من الكوردن بلو تنزليه فى الاول فى البيض بعدين فى طبق المقسماط تغطيه كويس من كل الجوانب و هكذا لما تخلثى الكمية دخلها الفريزر نص ساعة قبل ما تحمريها فى الزيت.. بعدين حطى الزيت فى طاسة على النار او ما يسخن هدى عليه النار يعنى تبقى نار متوسطة بعدين نزلى فيه صوابع الكوردن او ما تاخد لون الذهبى على جنب اقلبيها على التانى اول ما تخد لون دهبى على الجوانب خرجيها على ورقة علشان تمتص الزيت الزايد و بالهنا والشفا 👌👏😍