طريقة عمل الاوزى تحضير الاوزى بطريقة سهلة و بسيطة، الاوزى بطريقة مضمونة
طريقة عمل الاوزى
تحضير الاوزى بطريقة سهلة و بسيطة، الاوزى بطريقة مضمونة
المقادير💚:
كوبين رز بسمتى مغسول و مصفى
ربع كيلو لحمة مفرومة متعصجة
كوبين من البسلة و الجزر
كوب من اى نوع مكسرات بتفضلية بتحمريها
بصلة مفرومة
رقائق بف بسترى
ملح +قرفة +بهارات
الطريقة💚:
اول حاجة حمرى البصلة بمعلقة سمنة على النار اول ما تاخد لون دهبى ضيفى التوابل و قلبيهم بعدين ضيفى البسلة و الجزر و قلبيهم كويس، ضيفى عليهم الرز و قلبيهم تقليبتين و ضيفى عليهم كوبين من المياه لما يتغطى الرز كويس علشان تسويه و وطى عليه النار و سيبيه يستوى... هاتى شريحة من البف بسترى افرديها بالنشابة خليها مربع حجمه متوسط ما تفرديها
زيادة عشان مايشققش لما تضيفى عليه الحشوة.. بعدين حطى داخل العجينة اللى فردتيها معلقة مكسرات معلقتين لحمة متعصجة و معلقتين رز من اللى حضرتيه و اقفلى عليهم العجينة كويس على هيئة شبه دائرية يعنى بعدين كملى باقى الكمية بنفس الطريقة و حطيهم فى صينية مدهونة زيت و اجهنى و شهم بالزيت او الزبدة السايلة و دخليه الفرن على درجة ١٨٠ تاخدى بالك منه لانه مش بياخد وقت اول ما ياخد لون دهبى من فوق و من تحت خرجيه و بالهنا والشفا 👏😍
ليست هناك تعليقات