احلى فطاير خفيفة و سهلة و سريعة هاتحضريها فى وقت قياسى جدا من ٢ كوب دقيق فقط 😍😍
المقادير💚:
٢ كوب دقيق
٢ ملاعق كبار سكر
معلقة كبيرة خميرة
معلقة كبيرة فانيليا
ربع معلقة صغيرة ملح
معلقة كبيرة زبدة
كوب الاربع ماء دافى و حسب نوعية الدقيق
الطريقة💚 :
،
نخلط المقادير الجافة مع بعضها
بعدين نضيف الزبدة و نخلطهامعاهم كويس بعدين نعجن بالتدريج لحين تتكون معاكى عجينة متماسكة مش ناشفة و مش ملزقة و نعجنها كويس مده ٥ دقايق بعدين ندهن طبق زيت و نضع فى العجينة حتى تخمر من نص ساعة ل ساعة حسب حرارة الجو بعدين نقسم العجينة نصفين و ناخد اول نصف نكوره و نفرده بالنشابة او الحاجة اللى بتفردى بيها لما يبقى سمك الاطراف ٣ مل بعدين قسميه ٨ مثلثات او اربعه حسب رغبتك و غطيه بفوطة مطبخ تلت ساعة و كذالك نفس الشيء فى النصف الثانى... بعد ٢٠ دقيقة حطى زيت غزير فى طاسة على نار هادية و نزلى فيها الفطير و قلبى فيهم لما يبقى لونها دهبى من الجانين خرجيها و رصيهم على ورق فى الاول علشان يمتص الزيت منه، ممكن تزينيه بسكر بودر او شوكلاته زى ما تحبى و بالهنا و الشفا 😍😘👋
تابعنى على انستجرام ❤️
تابعنى على تويتر ❤️
تابعنى على الفيس بوك ❤️
No comments