طريقة تحضير السويسرول بطريقة سهلة و مستحيل تفشل معاكى👌... سويسرول الشوكلاتة الرائع بطعم جميل جدا😍❤️
المقادير 💙:
الكيك
نص كوب دقيق
ربع كوب كاكو
كوب إلا ربع سكر بودر
٤ بيضات
معلقتين كبار زيت
معلقة صغيرة فانيليا
نص معلقة صغيرة بيكنج بودر
ذرة ملح
للكريمة
كوب كريم شانتيه خام
كوب لبن مثلج
نص كوب سكر بودر
كوب من صوص الشوكلاتة طريقة الصوص
الطريقة💙:
اول حاجة الكيكة
هانجيب ٤ بيضات مع كوب الا ربع سكر بودر و الفانيليا و نضربهم بالمضرب الكهربى كويس لما تاخد لون ابيض كريمى نضيف عليها معلقتين كبار زيت و ذرة ملح بعدين ننخل فوقيهم نص كوب دقيق و ربع كوب كاكو و نص معلقة صغيرة بيكنج بودر و نقلبهم كويس بعدين نفردهم فى صينية مقاس ٢٥ فى ٣٥ سم..مدهونة زبدة و مرشوشة دقيق و ندخلهم فرن سابق التسخين على درجة ١٧٠ و نسيبها من ١٢ الى ١٥ د على ما تستوى بعدين نخرجها و نقلبها على ورقة زبدة و نسيبها تبرد ١٠ دقايق و نلفها زى رول بورقة الزبدة و هيا دافيه و نسيبها فى التلاجة على ما نحضر الكريمة...
الكريمة :
نجيب كوب كريم شانتيه مع كوب حليب متلج و نص كوب سكر و نص كوب من صوص الشوكلاتة و نضربهم بالمضرب الكهربى مدة لا تقل عن ٧ دقايق بعدين نجيب الكيكة من التلاجة و نفردها و نفرش عليها الكريمة اللى حضرناها و ممكن نضيف قطع فواكه صغيرة فى الحشو و نلفها تانى و ندخلها التلاتة ساعتين او تلاتة على ما تبرد و نغطيها من فوق بشكولاتة سايلة او صوص شوكلاتة او صوص كراميل زى ما تفضلى و تاخد نكهتها و بالهنا والشفا 👏😘❤️
Keine Kommentare