طريقة تحضير كيكة السبع معالق 😍كيكة ٣ طبقات.. كيكة هشة و سهلة و بوصفة مجربة ١٠٠٪
كيكة ٣ طبقات.. كيكة هشة و سهلة و بوصفة مجربة ١٠٠٪
المقادير 💙:
الكيكة، الطبقة الأولى💙
٣ بيضات
معلقة صغيرة فانيليا
٧ معالق كبيرة سكر
٧ معالق كبيرة زيت نباتى
٧ معالق كبيرة حليب سايل
٧ معالق كبيرة طحين
معلقتين كبار كاكو
كيس بيكنج بودر ١٥ جرام
الطبقة التانية 💙
٢ ظرف كريمة بودر ١١٦ جرام
٢ معلقة صغيرة كاكو
كوب حليب بارد ٢٠٠ ملى
الطبقة التالتة 💙
١٥٠ جرام شوكلاتة ندوبها
علبة قشطة ٧٥ جرام
الطريقة 💙:
اول شيء الكيكة 💙
فى طبق نضيف البيض و الفانيليا و ٧ معالق كبيرة سكر و نضربهم كويس لما يفتح لونهم نضيف ٧ معالق كبيرة حليب سايل و ٧ معالق كبيرة زيت نخفقهم كويس بعدين نضيف ٧ معالق كبيرة دقيق و كيس بيكنج بودر و معلقتين كاكو و نقلبهم كويس و نمطهم فى صينينة فيها ورق زبده او مدهونة زيت و دقيق و ندخلها فرن سابق التسخين لمده ٢٠ او ٢٥ دقيقة و نخرجها و نسيبها تبرد شويا بعدين نقلبها و نسيبها فى التلاجة على ما تعمل الطبقة التانية...
تانى حاجة الكريمة💙
نضيف الكريمة البوجر مع معلقتين كبار كاكو و كوب حليب بارد و نخفقهم كويس لما تسمك معانا نجيب الكيكة من التلاجة و نفرش الكريمة فوقيها و ندخلها التلاجة تانى على ما نحضر آخر طبقة
تالت حاجة الشوكلاته 💙
نجيب علبة قشطة ٧٥ و نسخنه على النار اول ما تغلى نصبها على ١٥٠ جرام شوكلاتة و نقلبهم كويس اوى لما الشوكلاته تدوب تماما و تمتزج و مايبقاش فيه اى تكتلات...
بعدين نجيب الكيكة من التلاجة نضيف عليها طبقة الشوكلاته برفق و نفردها فوقيها كويس بعدين ندخلها التلاجة نص ساعة و نخرجها نقسمها و بالعافية ان شاء الله 😍😘
ليست هناك تعليقات