طريقة تحضير الديسباسيتو بنكهة تحفة و طريقة سهلة جداحضرى ٥ قوالب ديسباسيتو او الكيك البرازيلى الرائع من كوب دقيق 👌😍
حضرى ٥ قوالب ديسباسيتو او الكيك البرازيلى الرائع من كوب دقيق 👌😍
المقادير 💚:
الكيك
٢ بيضة
نص كوب سكر
نص كوب زيت
نص كوب لبن
ربع كوب كاكو خام
كوب و ربع دقيق
معلقة كبيرة بيكنج بودر
معلقة صغيرة فانيليا
معلقة صغيرة خل
معلقة صغيرة قهوة سريعة الذوبان
رشة ملح
لسقى الكيك
كوب لبن
معلقتين كبار كاكو او نسكويك
للكريمة
كوب كريمة خفق
كوب و نص لبن مثلج
نص كوب سكر بودر
ربع كوب كاكو خام
للصوص
ربع كيلو شوكلاتة خام
كوب كريمة حلويات
الطريقة 💚
اول حاجة الكيكة
هاتجيبى بيضتين و عليهم نص كوب السكر البودر و الفانيليا و نخفقهم كويس بالمضرب الكهربى او اليدوى لما ياخد لون ابيض
نضيف عليهم نص كوب من الزيت و نص كوب من اللبن و معلقة الخل الصغيرة و القهوة و نخفقهم كويس اوى بعدين نضيف على الدقيق الكاكو و البيكنج بودر و ننخلهم فوق الخليط السايل و نقلبهم كويس اوى بالمعلقة علشان تلمى كويس اللى فى آخر الخليط و الأطراف بعدين نصبهم فى قوالب الديسباسيتو الصغيرة المستطيلة او اى قوالب كيك عندك حابة تعملى فيها و ندخلها فرن سابق التسخين على درجة ١٨٠ بتاخد حوالى ١٠ دقايق او ١٥ دقيقة على ما تستوى
الكريمة الطبقة التانية
هاننضيف فى طبق عميق كوب من كريمة الشانتيه و كوب و نص من الحليب المثلج و نص كوب سكر بودر و ربع كوب كاكو و نخفقهم بالمضرب الكهربى مدة لا تقل عن ٧ دقايق علشان يتقل معاكى كويس بعدين ممكن تضيفى عليه معلقتين كبار من صوص الشوكلاتة او شوكلاتة سايلة بتدى طعم تحفة طريقةالصوص
بعدين هاتكون الكيكة استوت خرجيها و خرميها بخلة و ضيف على كل قالب ٣ معالق من (الحليب دايب فيه كاكو محلى علشان تطرى معاكى و تدى نكهة حلوة اوى)
بعدين ضيفى طبقة الكريمة و افرديها كويس على الكيكة
الصوص الطبقة التالتة
هاتسخنى كوب الكريمة على النار اول ما يغلى ضيفيه على ربع كيلو شوكلاتة مبشورة و قلبيهم كويس لما تدوب الشوكلاته تماما
بعدين ضيفيه على قوالب الكيك و زينيه من فوق بالشكل اللى بتفضليه و احتفظى بيها فى التلاجة ساعتين تلاتة قبل التقديم و بالهنا و الشفا 😍❤️
ليست هناك تعليقات