أرز ريزو.. فراخ استربس حضرى احلى فراخ استربس و رز ريزو طعمهم و شكلهم تحفة يشرفوكى فى اى عزومة😍😍

أرز ريزو.. فراخ استربس حضرى احلى فراخ استربس و رز ريزو طعمهم و شكلهم تحفة يشرفوكى فى اى عزومة😍😍

المقادير 💜

کیلو صدور فراخ 

معلقة كبيرة صوص حار او كاتشب

ملح 

وفلفل

معلقة كبيرة بصل بودر 

معلقة صغيرة من كل من ثوم بودرة ، بابریکا ، بهارات فراخ ، زعتر

رشة حبهان بودرة 

رشة سكر 

للخلطة 💜

كوب دقيق 

3 ملاعق كبار نشا

معلقة صغيرة بيكنج بودر 

ملح وفلفل

ومعلقة صغيرة من البصل والثوم البودرة والزعتر والبابريكا وبهارات الفراخ 

نص كوب مایه 

للتغطيه💜 : 

كوب دقيق + نص كوب نشا

مقادير الارز💜

كوب رز مصري أو بسمتي 

بصلة مقطعة صغير

ملح وفلفل ، 

معلقة كبيرة عسل اسود ، 

معلقة كبيرة صويا صوص 

نص معلقة من بصل بودرة ، وثوم بودرة ، كاري کرکم ، بابريكا مكعب مرقه 

الصوص💜

نص كوب كاتشب 

معلقة كبيرة عسل اسود 

معلقة كبيرة تشيلي صوص 

معلقة كبيرة ماستردة ( خردل )

الطريقة💜:

نقطع صدور الفراخ صوابع على حسب السمك اللى عايزاه، و نضيف عليها معلقة كبيرة صوص حار او كاتشب و ملح  و فلفل و معلقة كبيرة بصل بودر و معلقة صغيرة من كل من ثوم بودرة ، بابریکا ، بهارات فراخ و زعترو رشة حبهان بودرة و رشة سكر  و مقلبهم كويس علشان تتشرب الفراخ كل التتبيلة بعدين نحضر التغطية بتاعة الفراخ... هانخلط فى طبق عميق كوب دقيق و 3 ملاعق كبار نشا و معلقة صغيرة بيكنج بودر و ملح وفلفل و معلقة صغيرة من البصل والثوم البودرة والزعتر والبابريكا و بهارات الفراخ و نص كوب مایه و نضربهم كويس حتى نحصل على قوام شبه قوام خليط البان كيك و نضع فيهم الفراخ و نقلبهم كويس بعدين فى طبق تانى نضيف كوب دقيق + نص كوب نشا و نغطى بيهم الفراخ بعد ما نخرجها من الطبق الاول و نحتفظ بيها فى التلاجة ساعة على ما نعمل الرز...

طريقة الرز :

خانضيف فى حلة على النار  فلفل اسود ، نص معلقة من بصل بودرة ، وثوم بودرة ، كاري کرکم ، بابريكا مكعب مرقه و معلقة زبدة و زيت و نقلبهم مع بعض بعدين نضيف كوب رز و نقلبهم كويس اول ما الرز يتقلب بالتوابل نضيف معلقة كبيرة صويا صوص و معلقة كبيرة صويا صوص و نقلبهم كويس بعدين نضيف الملح و نقلبهم و نضيف مياه مغلية لما تغطى الرز معاكى و نغطى الحلة اول ما يغلى نهدى عليه النار خالص و نسيبه يستوى كويس ... فى الوقت ده نطلع الفراخ من التلاجة و نحط زيت غزير على النار اول ما الزيت يسخن نهدى عليه النار و ننزل فيه الفراخ اول تاخد لون دهبى نخرجها و نحضر الصوص اللى هانقدمه معاهم هانجيب طبق نضيف فيه نص كوب كاتشب 

معلقة كبيرة عسل اسود و معلقة كبيرة تشيلي صوص و معلقة كبيرة ماستردة ( خردل )و ونقلبهم كويس و بس كده و بالهنا و الشفا😍💜

تابعنى على انستجرام ❤️

تابعنى على تويتر ❤️

تابعنى على الفيسبوك ❤️