افضل طريقة لتحضير البيتزا، البيتزا بالعجينة السحرية رهيييبة 😍😋
المقادير💙:
٣ كوب دقيق
٣ معالق كبار زبادى
٣ معالق كبار لبن بودر
٣ معالق كبار مايونيز
معلقة و نص صغيرين من الخميرة
معلقة و نص صغيرين من البيكنج بودر
معلقة و نص صغيرة من السكر
ربع معلقة صغيرة ملح
ربع كوب مياه
ميكس جبن
حشوة البيتزا اللى هاتفضليها
الطريقة💙:
نضيف اول حاجة السكر و الخميرة معا ربع كوب ميته دافيه و نغطيها نسيبها عشر دقايق علشان نشوف الخميرة، فى العجان او اعجنى بإيدك عادى نضيف الدقيق و باقى المكونات الجافة و الزبادى و المايونيز و نخلطهم كويس اوى بالعجان بعدين نضيف الخميرة او ما ترفع و تدى الرغوة بتاعتها و نعجن كويس اوى و نبتدى نضيف المياه بالمعلقة بالتدريج هتاخد اقل من ربع كوباية كمان و نعجنها كويس مده لا تقل عن عشر دقايق لما تبقى عجينة طرية و ناعمه جدا لو بتلزق جامد ضيفى رشة دقيق و اعجنيها حاجة بسيطة هاتبقى تمام نحطها فى طبق عميق مدهون زيت بسيط جدا و نغطيها و نسيبها تخمر فترة على حسب حرارة الحو من نص ساعة لساعة على ما تحضرى الحشوة اللى من فوق ضيف اى حشوة متوفرة عندك و فلفل و طماطم و بصل زيتون متقطع شرايح و جهزى صوص البيتزا اهم حاجة تبقى مكونات مستوية لو هاتعصجى لحمة او فراخ لأنها مش بتاخد وقت على ما تستوى، اول ما العجينة تخمر و حجمها يتضاعف قسميها اربع كورات متساوين هاتعملك ٤ بيتزات متوسطة، غطى الكور بفوطة مطبخ و ادهنى الصوانى اللى هاتسويها فيها زيت و رشة دقيق ابدأى افردى واحدة من العجينة افرديها كويس ممكن بأيدك او بالنشابة بيقى سمكها نص سم حوالى ٣ مللى و حطيها فى الصينية و خرميها بالشوكة حاجة بسيطة و ضيفى صوص البيتزا و ميكس الجبنة و الحشوة اللى هاتحبيها حبة جبنة موتزريلا على الوش و شوية فلفل الوان و زيتون و دخليها الفرن على نار عالية بتاخد اقل من ربع ساعة اول ما تاخد لون دهبى خفيف من تحت شعلى الفرن من فوق اول ما الجبنة تبقى مستوية خرجيها هاتبقى جميلة جدا و هشة و العجينة و الريحة روعة ، بالهنا والشفا 😍💜
Aucun commentaire