طريقة عمل كيكة قدرة قادر العجيبة ‏🙈♥️قدرة قادر بوصفة سهلة و خطوات بسيطة ‏

طريقة عمل كيكة قدرة قادر العجيبة 🙈♥️

قدرة قادر بوصفة سهلة و خطوات بسيطة 

طريقة عمل كيكة قدرة قادر العجيبة وشكل و طعم تحفة💕 :

المقادير💕💕 :

١- مقادير الكريم كراميل💕 :

٤ بيضات

كوبين لبن

تلات معالق كبار لبن بودر 

فانيليا سايلة

٢- مقادير الكيك💕 :

كوب و ربع دقيق

نص كوب سكر

ربع كوب كاكو

٢ بيضة

نص كوب زيت

نص كوب لبن 

معلقة فانيليا

معلقة صغيرة بيكنج بودر 

ذرة ملح 

مقادير الكراميل💕:

كوب سكر

معلقتين مياه

الطريقة💕💕 :

اول حاحة حطى هاتعملى الكراميل هاتجيبى طاسة على النار و تحطى فيها كوباية السكر و عليهم معلتين الميا فى النص و سيبيهم على النار عالية اول ما تلاحظى الحروف بدأ يظهرلها لون هدى عليه النار و قلبيه فيه كل شويا عن طريق امك تهزى الطاسة بس لما يجوب معاكى و ياخد لون دهبى اطفى عليها و صبيه على طول فى الصينية اللى هاتعملى فيها الكيكة المقادير دى تعمل صينية مقاس ٢٤ وسيبيه فى الصينية...، بعدين هانعمل الكريم كراميل هاتجيبى خلاط العصير و حطى فيه ٤ بيضات و كوب اللبن و الفانيليا السايلة و اللبن البودر و اخلطيهم كويس بعدين ضيفيه على الكراميل فى الصينية طبعا الكراميل هاتلاحظى انه نشف كده تمام...، بعدين حضرى الكيكة هاتضيف كوب و ربع دقيق و ربع كوب كاكو خام و معلقة صغيرة بيكنج بودر و بيضتين و رشة فانيليا و نص كوب زيت و نص كوب اللبن و اضربيهم كويس اوى سواء بمضرب يديوى او كهربا او الخلاط العادى بعدين ضيفيهم على الخليط اللى فى الصينية و ما تقلبيش و لا اى حاجة و ماتقلقيش من شكلها بتستوى و تبقى طبقات و تبقى تمام اوى بعدين فى صينية اكبر حطى ربعها مياه مغلية و معلقة خل عشان مش تسود من الفرن و حطى فيها صينية الكيكة بالراحة و دخليها الفرن سابق التسخين على نار عالية لمدة ساعة او ساعة الا ربع على حسب فرنك بعدين طلعيها و سيبيها تبرد عشر دقايق و اقلبيها بالراحة هاتتقلب معاكى بسهولة و دخليها التلاجة و تتاكل بعد ماتبرد لإن لو اتقدمت ساخنة هايبقى طالع فيها طعم البيض فلازم تبرد و بالهنا و الشفا😍♥️