البيتزا بطريقة ناجحة ١٠٠٪👍💪

البيتزا بطريقة ناجحة ١٠٠٪👍💪

المقادير :

٢ كوب دقيق

نص معلقة صغيرة ملح

معلقة كبيرة سكر

معلقة كبيرة خميرة فورية

٣ ملاعق كبيرة زيت

معلقة كبيرة خل

كوب إلا ربع ماء او حليب و ممكن يزيد عن كده او يقل حسب نوع الدقيق

جبنة موتزريلا 

جبنة رومى 

حبة فلفل اخضر 

حبة طماطم صغيرة متقطعة 

شرايح بصل 

الطريقة :

نخلط المكونات الجافة مع بعضها، بعدين نضيف عليهم الزيت و الخل و نقلبهم، ثم نضيف الماء بالتدريج و نعجن العجينة بالعجان او بإيدك عادى جدا نعجن فيها مده لا تقل عن عشر دقايق حتى تصير ناعمة و طرية بتبقى ملزقة حبة بسيطة كل ما بتعجنى كل ما بيختفى التلزيق اللى فيها بعدين ندهن طبق بالزيت و ندهن العجين من فوق بالزيت و من على الجناب و نسيبها فى الطبق نغطيها بكيس او ورق بلاستيك و نسيبها فى مكان دافى ساعة او ساعتين حسب درجة حرارة الجو لما تخمر يعنى ححمها يتضاعف معاكى و كده تبقى العجينة جاهزة، فى الوقت اللى هاتخمر فيه العجينة ممكن تعملى الحشو اللى هاتحطيه على وش البيتزا طبعا ده اختيارى على حسب رغبتك ممكن تستعملى تونة و فلفل و بصل و طماطم بس، او ممكن تعصجى لحمه بالبصل و الفلفل و الطماطم بتبقى جميلة اوى... اول ما تخمر العجينة هاتدهنى كويس الصينية(مقاس ٢٦.. ٢٨)اللى هاتستعمليها زيت بعدين هاتفردى فيها العجينة هاتتفرد بسهولة بعدين هاتضيفى اول حاجة   معلقتين كبار او تلاتة حسب رغبتك من صلصلة البيتزا تفرديها كويس  بعدين تدخليها الفرن سابق التسخين لمدة ٥ دقايق و تخرجيها تانى تضيفى عليها الحشو اللى هاتضيفيه و فوقيه الموتزريلا و الجبنة الرومى او موتزريلا بس لو مش فيه رومى بس هيا بتدى نكهة حلوة، و تدخليها الفرن تانى و توطى النار عليها و تتابعيها لما تستوى  معاها لمدة ١٥ د الى تلت ساعة بعدين تشغلى الفرن من فوق ٣ دقايق بس الجبنة تاخد لون بسيط عشان ما تتحرقش و بالهنا والشفا 😍♥️