معمول بطريقة سهلة جدا..معمول خفيف و طعم رهييييب بطريقة تحضير المعمول بالعجوة بخطوات بسيطة 😍💙
طريقة تحضير المعمول بالعجوة بخطوات بسيطة 😍💙
المقادير 💙:
٢٠٠ جرام زبدة
٤٠٠ جرام دقيق
ربع كوب زيت
ربع كوب لبن بودر
نص كوب سكر بودر
بيضة
معلقة صغيرة ممسوحة بيكنج بودر
معلقة صغيرة فانيليا
للحشو💙
ربع كيلو من العجوة
معلقة كبيرة زبدة
ربع معلقة صغيرة قرفة
الطريقة 💙:
نحط الزبدة مع السكر فى طبق و نضربهم بالمضرب الكهربى اول ما لونها يفتح و يمتزجو كويس نضيف البيضة و الفانيليا و رشة ملح خفيفة اوى وربع كوب من الزيت و يفضل نوعية كويسة من الزيت علشان مش تدى ريحةحم مش كويسة للاكل و نضربهم كويس.. فى طبق تانى نضيف الدقيق مع باقى المكونات الجافة و نخلطهم كويس بعدين نضيفهم على الطبق اللى فيه الزبدة و نعجنهم كويس اوى بعدين نسيبها ترتاح فى التلاجة على ما تحضرى الحشوة
نجيب ربع كيلو العجوة و نضيف عليه معلقة الزبدة و القرفة و نعجنهم ببعض كويس لما تطرى فى ايدك و تمتص الزبده نبتدى نشكلها كرات صغيرة علشان تسهل علينا الشغل بعد كده...
نجيب عجينة المعمول من التلاجة و نبتدى ان احنا ناخد بالحتة الصغيرة نحط فى قلبها كورة عجوة صغيرة و نكور عليها العجينة كويس او ما نخلص الكمية نرصها فى صوانى مدهونة زبدة او زيت و ندخلها الفرن على الرف الوسطانى على نار عالية اول ما تاخد لون دهبى من فوق و من تحت نخرجها.. و خلى بالك منها و هيا فى الفرن لإنها مش بتاخد وقت على ما تستوى ...و ممكن تزينها من برة زى ما تحى او نسيبها كده و بالهنا والشفا 😍😘
No comments