طريقة عمل الناجتس افضل من المحلات.. اسهل و أسرع ناجتس و طعمه تحفه جداا😍😍
المقادير 💙:
كيلو وراك او صدور
نص كوب بقسماط مطحون
نص كيلو بطاطس مسلوقة و مهروسة
معلقة كبيرة ملح
معلقة كبيرة بيكنج بودر
معلقة كبيرة بصل بودر
معلقة صغيرة توم بودر
معلقة صغيرة سكر
معبقة صغيرة بابريكا
معلقة صغيرة فلفل اسود
معلقة صغيرة بهارات فراخ
للتغطية
٢ بيضة بيضة
ربع كوب لبن
نص كوب دقيق
نص كوب بقسماط مطحون
نص كوب كورن فليكس
معلقتين كبار نشا
الطريقة 💙:
نخلى الفراخ من اى مياه تماما و نحطها فى الكبة نفرمها و نضيف عليها البطاطس المسلوقة و مهروسة و باقى التوابل و نفرمهم لما يمتزجو كويس مع بعض نفىدها على سطح نضيف تحتها كيس علشان يبقى سهل تخليها نفرج الفراخ لما يبقى سمكها ١ سم... بعدين نحضر التغطية فى طبق هانخفق البيضتين مع ربع كوب لبن و نضيفلهم حبة خفيفة من الملح و الفلفل الاسود.. فى طبق تانى هانضيف دقيق(طحين) .. و آخر طبق هانضيف فيه البقسماط مع الكورن فليكس و معلقتين كبار نشا و نص كوب دقيق و ملح و فلفل و نقلبهم فى الطبق بعدين نقطح الفراخ بالشكل اللى تحبيه و ننزلها اول حاجة فى الدقيق بعدين فى البيض بعدين فى البقسماط بعد ما تحلصى الكمية بنفس الطريقة ممكن تشيلى كمية منها فى الفريزر و الباقى اللى هاتعمليه.. هانجيب طاسة فيها زيت غزر على النار اول ما يسخن الزيت هاتنزلى الناجتس و اول ما تنزليه توطى النار و خرجيه اول ما ياخد لو ن دهبى من الجانبين.. و ياريت اول ما يطلع من الزيت تحطيه على منديل مطبخ او ورق علشان يمتص الزيت الزيادة و بالهنا والشفا 😍😘
No comments