طريقة عمل البسبوسة بالقشطة بكل تكاتها 🌟👍
المقادير :
مقادير البسبوسة :
٣ كوب دقيق سميد (دقيق البسبوسة )
كوب لبن دافى
كوب سمنة على زيت دافى
نص كوب سكر
٤ معالق كبيرة جوز هند
٢ معلقة لبن بودرة
معلقة صغيرة بيكنج بودر
ذرة ملح
٢ معلقة كبيرة عسل ابيض او سيرم تقيل
مقادير الحشو:
٢ كوب لبن
علبة قشطة
٢ معلقة كبيرة سكر
الطريقة :
١- طريقة الحشوة:
نضع كوبين اللبن فى وعاء ثم نضيف معلقتين النشا و نقلبهم ثم نرفعهم على النار و نقلب فيهم لما يبتدى الخليط يتخن و قبل مايغلى نضيف علبة القشطة و قلبهم لما القشطة تتخلط معانا نسيب الحشوة تبرد و نبتدى نعمل البسبوسة
٢- طريقة البسبوسة :
نضيف المكونات الجافة كلها مع بعض و نقلبهم كويس ثم نضيف خليط السمنة و الزيت و نخلطهم كويس اوى و سر نجاح البسبوسة و إنها تبقى مرملة معانا انك تخلطى السمنة كويس بالبسبوسة فى الخطوة دى لازم كل ذرة فيها يبقى فيها سمنة بعد ما تحلطيها تدوبى معلقتين العسل او شربات تقيل مع كوب اللبن و تضيفيهم على خليط البسبوسه و تقلبى بالمعلقة برفق مش تعجنى نهائى فى الخطوة دى يدوب يمتزجو بس بعدين تدهنى الصينية اللى هاتسوى فيها البسبوسة سمنة و نضيف نص كمية البسبوسة بعدين نضيف الحشوة و توزعيها كويس برفق بعدين نضيف النص التانى من البسبوسة و نوزعه برفق فوق الحشو و ندخلها الفرن سابق التسخين و نسيبها لما تاخد اللون الذهبى الجميل بتاعها و نخرجها من الفرن و هيا سخنة نسقيها بالشربات السخن الطريقة الصحيحة لعمل الشربات (هنا)
No comments