طريقة عمل الكنافة بالمانجا زى المحلات بالضبط💙

المقادير 💙 :

نص كيلو كنافة

ثلاث ارباع كوب سمنة

شرايح مانجا مقطعة مكعبات

للشربات💙:

كوب لبن بودرة

كوب سكر بودرة

نص كوب عصير مانجا ممكن طبيعى و ممكن مركز خالى من السكر

ممكن نستغنى عن الشربات دى و نضيف كوب شربات عادى تقيل

الكريمة💙 :

كوبين من الكريمة البودر

كوب من عصير المانجا البارد جدا، ممكن نستبدله ب كوب ماء او حليب بس عشان النكهه يفضل المانجا

الطريقة💙 :

نضيف السمنة على الكنافة بعد ما نفرك الكنافة كويس طبعا الكنافة خارجة من الفريزر فاهتتفرك معاكى بسهولة، نقلب الكنافة بالسمنة فى طاسة او حلة على النار لما تاخد اللون الدهبى نشيلها و نحضر باقى المكونات معانا، اول حاجة الشربات هاتضيفى كوب اللبن البودر مع كوب السكر و نص كوب المانجا فى الخلاط و تضربيهم كويس بعدين تقلبى بيهم الكنافة اللى عملتيها و لاحظى انها ممكن مش تاخد الكمية كلها يعنى مش عايزينها تعجن... بعدين تحضرى الكريمة هاتضيفى كوبين الكريم مع نص كوب او كوب سكر حسب الرغبة و كوب المانجا و تضربى بالمضرب الكهربا لما تديكى قوام الكريمة اللى احنا عارفينه.. بعدين هاتجيبى الصينية اللى هاتعملى فيها الكنافة و تفردى اول طبقة و هيا الكنافة اللى عملناها بالشربات بعدين الكريمة و تدخليها التلاجة نص ساعة ل ساعة بعدين ترصى شرايح مانجا مكعبات على وشها و بالهنا و الشفا 🤗😘

تابعنى على انستجرام ❤️

تابعنى على تويتر ❤️

تابعنى على الفيس بوك ❤️