طريقة تحضير فراخ الفيليه مع الخضار و الصوص😍💜
المقادير 💜:
بروكلي
قرنبيط
جزر
بازلاء
بطاطس
فراخ فيليه
بيضه
بقسماط
دقیق
زيت أو سمنه أو زبده
کریمه لباني أو دوبل كريم أو لبن لو أمكن
ملح حسب الرغبه
الطريقة💜:
فى حلة على النار نسلق البطاطس المتقطعة مكعبات مع ملح بسيط اول ما تستوى مش نسيبها لما تتهرى نخرجها و فى نفس المياه دى نسلق باقى الخضار مع رشة فلفل اسود لما يتسلق نسيب المياه لأننا هانعمل بيهل الصوص، فى طاسة على النار نضيف معلقتين زبدة او زيت و نجيب شرايح فراخ ننزلها فى الأول فى بيض مضروب مع ملح و فلفل اسود بعدين فى البقسماط زى ما بنعمل البانيه و نضيف الفراخ فى الطسة اللى على النار و نهدى النار اول نا الفراخ تمسك نفسها و تاخد لون دهبى من تحت نقلبها على الوجه التانى اول ما تاخد لون دهبى من الجانبين نحطها فى الطبق اللى هانقدم فيه، و فى نفس الطاسة جى نضيف معلقة كبيرة سمنة اول ما تسيح نصيف تلات معالق كبار دقيق و نقلب كويس باستمرا لما يختفى لون الدقيق الأبيض نضيف عليهم ربع كوب من المياه اللى سلقنا فيها الخضار بسرعة و نقلب باستمرا علشان مش يكون اى تكتلات بعدين و احنا بنقلب نضيف نصف كوب كريمة لبانى سايلة و نقلب باستمرار و نضيف كمان نصف او ربع كوب مياه تانى و نقلب باستمرار مش نوقف نهائى غير لما يسمك و يعطى القوام المطلوب.. بعدين نضيف البطاطس اللى سلقناها و الخضار فى طبق التقديم جنب الفراخ و نضيف عليهم معلقتين كبار من الصوص او زى ما تحبى الكمية و بالعافية 😍👏
No comments