طريقة تحضير كيكة الفواكه.. او كيكة جيلى الفواكه كيكة جيلى الفواكه شكلها و طعمها تحفه تنفع فى اى مناسبة ‏😍😍

طريقة تحضير كيكة الفواكه.. او كيكة جيلى الفواكه 

كيكة جيلى الفواكه شكلها و طعمها تحفه تنفع فى اى مناسبة 😍😍

المقادير 💙:

الكيك 

كوب و نص دقيق

كوب الا ربع سكر بودر 

نص كوب زيت 

نص كوب لبن

٢ بيضة

ذرة ملح

نص معلقة صغيرة فانيليا

معلقة صغيرة بيكنج بودر

الجيلى 

كوبين ميا

كيسين جيلى

كوبين كريم شانتيه مخفوق و محفوظ فى التلاجة علشان يبقى متماسك

قطع فواكه

الطريقة💙:

نضيف البيضتين مع كوب الا ربع سكر بودر و نصف معلقة صغيرة فانيليا و نضربهم بالمضرب الكهربى اول ما لونهم يفتح نضيف عليهم نص كوب زيت و نص كوب لبن و ذرة الملح و نضربهم كويس بعدين ننخل فوقيهم كوب و نص دقيق و معلقة صغيرة بيكنج بودر و نقلبهم كويس بالمعلقة لما يبقى لوم واحد مافيش اى تكتلات نصبهم فى صينية مقاس ٢٦ مدهونة زيت و مرشوشة دقيق و ندخلهم فرن سابق التسخين هلى درجة ١٧ و نسيبها نص ساعة بعدين نختبرها بخلة او سكينه نشوفها استوت و نخرجها و نسيبها تبرد على ما نحضر الجيلى...

نجيب كوبين ميا و نحطهم على النار و نضيف عليهم كيسين الجيلى و نقلبهم على النار كويس لما يغلى نطفى عليهةو نجيب صينية الكيكة نضيف عليها فى الأول الكريم شانتيه اللى محضرينه و نوزعه كويس فوق الكيكة علشان يعزلها عن طبقة الجيلى اللى هانضيفها بعجين نصب فوقيها الحيلى برفق و نضيف قطع الفواكه اللى بتفصليها و ندخلها التلاجة ٤ او ٥ ساعات بعدين قطعيها و تبقى جاهزة للتقديم حاجة حقيقى فى متتهى الخيال طعم و شكل روعة و بالهنا و الشفا 👌😍😘