كيكة البسكويت الباردة.. طريقة عمل كيكة البسكويت 👌😍كيكة البسكويت سهلة جدا و مش بتاخد ١٠ دقايق و طعمها روووعة 😍❤️
كيكة البسكويت سهلة جدا و مش بتاخد ١٠ دقايق و طعمها روووعة 😍❤️
المقادير 💚:
٤٠٠جرام بسكويت شاى
١٠٠ جرام من اى نوع مكسرات عندك
الصوص
كوب سكر
كوب الا ربع كاكو
كوب و تلت حليب
نص كوب شوكلاتة مبشورة
معلقتين كبار زبدة
الطريقة💚:
او حاجة نكسر البسكويت تكسير خشن يعنى كل بسكويتة حوالى ٦ قطع مش هانفرمه نهائى و نجيب المكسرات نحمصها فى طاسة على النار او ما تاخد لون دهبى كده نضربها ٣ ضربات فى الكبة برضو مش هانخليها ناعمة و نضيفها على البسكويت و نقلبهم كويس بعدين نحضر الصوص... هانجيب كوب و تلت حليب و نحطه على النار و نضيف عليه كوب سكر وكوب الاربع كاكو و نقلبهم كويس اوى لما يمتزجو تمام اول ما لخليط يبتدى يغلى على النار نضيف نص كوب من الشوكلاتة المبشورة و نقلبهم بعدين نضيف معلقتين من الزبدة و نقلب كويس لما يمتزجو و نسيب الصوص يبرد بعدين نضيف تلتين الكمية من الصوص على البسكويت و المكسرات و نقلبهم كويس و ناخد البسكويت ده مفرده فى صينية و نضغط عليه كويس بعدين نضيف باقى الصوص على الوش و نفرده و ممكن تزينيها بجوز هند مبشور او كريبس شوكلاتة زى ما تفضلى و ندخلها التلاجة مده لا تقل عن ٣ ساعات و بالهنا و الشفا 😘😍
No comments